Über mich


Endi Januar 2020 han ich 10'000 Abonennte uf YouTube erreicht, was für mich soo unvorstellbar gsi isch! Die Idee, Merch z mache, isch au so drum chli entstande. Min Brüeder het scho mehreri T-Shirtdesigns gmacht, verchauft und het scho länger vorgha, mit mir Merch z designe. Au uf Instagram isch de Wunsch und d Nachfrag nach mine eigene Chleider immer grösser worde. Min Brüeder und ich hend denn di erste Designs gmacht. Das Projekt isch immer grösser worde, bis es schlussendlich jetzt zum erste Merch cho isch:) 

Bedeutung

S ganze Shirt isch nach mim eigene Chleidergschmack designt worde. Mini zwei Lieblingsfarbe sind Türkis und Lila. Uf de Vordersite staht es „N“ für „Nathistyle“ und das nebeddra no spiegelverchehrt (für de style). Ich persönlich hans u gern, wenn de Fokus meh uf em Backprint isch. Hine staht no „10k“, wills en Abospecial isch, und „Let’s go“.

 Wieso „Let’s go“?

Wer mini Videos chli verfolgt, de weiss, dass ich im Intro immer „Let’s go“ sege und denn klatsche. Das isch vorallem mit andere Lüüt ide Videos scho chli zumne Insider worde. Au sus hets für mich e grossi Bedütig. Ich han scho sehr lang de Wunsch gha, mit YouTube azfange, aber han mich aber nie getraut, eifach will ich Angst gha han usglacht und usgrenzt z werde... De Spruch „Let’s go“ motiviert mich immer wider eifach das z mache, vodem ich träum! Zieh dis Ding dure und lah dich nöd abezieh vo dumme Kommenär und Meinige vo andere! Fang ah din Traum z lebe. LET’S GO!

Danke! ♥️

Ohni oi wär das ganze Projekt nöd möglich gsi. Ihr wüssed garnöd wie dankbar ich oi bin! Für de täglichi Support, all die herzige Kommentär und Nachrichte! Das alles freut mich soo fest und motiviert mi au jedesmal wider. Danke au mim Brüeder, wo mit mir das Design gmacht het und sich als Model zur Verfüegig gstellt het. Au am Gian, wo mich sehr unterstützt het mit Website erstelle, Fotene mache und s Trailervideo für min YouTube Kanal z produziere. Eifach DANKE!